Дзень Перамогі
Кожны з нас ведае аб значнасці і важнасці Дня Перамогі ў жыцці беларускага народа і шануе памяць аб тых ахвярах, якія аддаў беларускі народ у гады Вялікай Айчыннай вайны.
Чым адметны дзень 9 Мая выхаванцы санаторнай групы даведаліся пад час інтэгрыраваных заняткаў па адукацыйнай галіне “Дзіця і грамадства”, “Мастацкая дзейнасць (маляванне)”.
На працягу заняткаў выхаванцы разам з выхавальнікам дашкольнай адукацыі Дабжынскай Людмілай Іванаўнай пазнаёміліся з абаронцамі краіны ў гады Вялікай Айчыннай вайны, ладзілі кніжную выставу “Яны змагаліся за Радзіму”, наведалі фотазону ў фае дзіцячага садка, дзе даведаліся аб тым, што такое Вечны агонь і якое значэнне ён мае для ўсяго беларускага народа.
Напрыканцы дзеці намалявалі паштоўкі, каб ускласці іх да помніка загінуўшым.
