Музычная забава "Як шукалі ўлетку чароўную кветку"
Сення ў выхаванцаў старэйшай групы прайшла музычная забава “Як шукалі ўлетку чароўную кветку”.
Да выхаванцаў старэйшай групы завітала дзяўчынка Купалінка, якая пазнаёміла іх з абрадамі і звычаямі гэтага свята.З пакон вякоў нашы продкі святкавалі гэта свята ў гонар сонца, росквіту раслін і збажыны. Дзяўчаты збіралі кветкі, зёлкі і плялі вянкі, бо згодна з павер’еямі, менавіта на Купалле травы і кветкі набываюць лекавую і цудоўную моц. Моладзь вадзіла карагоды, спявалі песні, скакалі праз купальскае вогнішча. Верылі, што на ў гушчары лесу зацвітае кветка папараці, здольная даць чалавеку празорлівасці. Выхаванцы старэйшай групы так сама гулялі ў беларускія народныя гульні, скакалі праз купальскае вогнішча, вадзілі карагоды, пускалі вяночкі на воду і загадвалі жаданні. Незабыўныя ўражанні засталіся ў дзяцей ад сустрэчы з Ведзьмачкай, якая і дапамагла адшукаць чароўную папараць-кветку. Усе, як адзін, загадалі сваё заветнае жаданне і ўпэўнены, што яно абавязкова збудзецца!
